Cucina delle Grazie

位於Römerberg (Frankfurt) 嘅意大利餐廳，餐廳裝修雅致，由於我哋幫襯時唔係正值一般嘅用餐時間，所以餐廳食客唔多，我哋可以自由揀位坐。

因為我仲係好唔舒服，完全冇胃口食嘢，所以我哋只係點咗一個set、一個salad同一杯啤酒。

餐廳環境

Erdinger (€3.6)﹕又係冇酒精啤酒，當然，又係拾爺飲架啦！

Kalte Minestrone﹕跟set嘅湯，原本係想飲番碗熱湯，點知……呢個係凍湯嚟架！

Salat Champign. Klein (€4.8)﹕呢碟嘢其實都頗大碟，但只係starter份量！本來呢碟嘢係拾爺點俾我食架，但最後我好辛苦先食到幾啖……都係嗰句，味道真係好好！但我真係冇胃口食……最後碟嘢都係拾爺清埋！佢又係讚不絕口！

Pasta mit Mangold und frischen Tomaten﹕跟set嘅pasta，我試咗一啖，其實係好好食架！但我真係冇胃口食……拾爺對呢個pasta讚不絕口，話非常正！我最欣賞餐廳送上滿滿一碗芝士粉俾我哋任落，對於愛吃芝士嘅我嚟講，呢樣本來係好正嘅事，只可惜……成個set都係€8.9，性價比好高！

指定動作﹕GOOD！(由於我病到冇乜點食，所以今次由拾爺上場！佢一人清哂兩人份量嘅嘢，食到爆肚咁滯呀！)

餐廳評分﹕
食物：正！
服務：一般
環境：中上
衛生：一般
價錢：抵！
性價比﹕高！！！
總評價﹕一定要試！

 

Neuer Volkswirt

位於Frankfurt嘅餐廳，主打德國菜。餐廳環境一般，但因為waiter俾我哋自由揀枱坐，我倆揀咗張大枱，坐得都幾舒服。

我哋點咗一份salad，一客豬手，一杯啤酒同埋一杯蘋果酒。

Pils Alkoholfrei (€3)﹕拾爺見到係支裝啤酒後好失望……

Apfelwein (€1.9)﹕因為拾爺話呢到蘋果酒出名，嚟到應該試吓。所以，一向唔飲酒嘅我，最後一晚豁出去，點咗呢杯嘢嚟試吓。味道酸酸叔叔咁，只可以用awful嚟形容！

點 Apfelwein時，Waiter都驚我會接受唔到，所以同我講真係唔ok嘅，佢可以幫我溝水或lemonade。我飲後，即時叫佢幫我加 lemonade，原來呢到嘅lemonade即係芬達……我初時以為呢支嘢佢會收我錢，呢支芬達喺menu上個標價 (€2.8) 仲貴過杯 Apfelwein架！好彩，最後冇收錢啫。

Wildrräutersalat Balsamicodressing mit gratiniertem Ziegenfrischkäse (€10.9)﹕我幾鍾意嗰塊芝士，煎到暖暖放入口，雖然係羊奶芝士，但一啲都唔羶，好食！其他配菜就一般啦。

Knusprige Schweinehaxe aus dem Ofen mit Kartoffelpürree und Sauerkraut (€14.5)﹕又話fresh from the oven，完全唔夠熱！個皮更加唔係如menu所講嘅脆，唔好食！

德國嘅餐廳有幾可怕﹖睇上圖！無論係坐室外定室內，都有flies！

唔想浪費，就算杯蘋果酒唔好飲，我都sip吓sip吓咁飲，飲到一半時，拾爺見到我塊臉紅哂，由於我平時完全唔掂酒精，拾爺怕我醉，唔俾我再飲，仲迫我飲哂成支fanta orange先准走……因為佢一直擔心我醉，要趕住番酒店，唔記得影指定動作相添……

餐廳評分﹕
食物：差！
服務：一般
環境：一般
衛生：中下
價錢：Overpriced
性價比﹕低！
總評價﹕千祈唔好試！

Bastians Eiscafé

位於Beilstein嘅café。坐於café出面，可以望住個河景！

揀呢間嘢主要為個景！要咗一杯Hazelnut同一杯passion fruit，但原來佢只係用嗰隻味嘅雪糕溝奶……每杯索價€3.5。

指定動作﹕Poor

餐廳評分﹕
食物：劣！
服務：一般
環境：一般
衛生：一般
價錢：Overpriced
性價比﹕低低低！！！
總評價﹕千祈唔好試！

Café Hansen

位於Bernkastel-Kues market一帶嘅café。

呢到堂食cake貴過外賣架！

餐廳環境

Moselweintorte (€3.1)﹕據雜誌所講，呢個chocolate cake係以傳統嘅Sacher Torte蛋糕加入Mosel嘅葡萄酒果醬，夾喺兩層朱古力蛋糕入面，味道帶微酸，所以食多幾啖都唔怕膩。但其實……我食唔出咁多嘢……始終呢種icy嘅 外層我都係覺得太甜……

Apple cake (€2.4)﹕點錯咗……係我錯！其實拾爺係想食Apfelstrudel，呢到嘅傳統apple pie，但我叫錯咗……個cake得個甜字，唔好食……

唔記得咗影指定動作相……

餐廳評分﹕
食物：一般
服務：一般
環境：一般
衛生：一般
價錢：一般
性價比﹕一般
總評價﹕唔試唔可惜！

Rathaus Cafe

位於Cochem town centre嘅cafe，室內裝修典雅。

餐廳環境

食客喺出面揀好蛋糕後，就會有店員送到枱上。

我哋點咗一份queen’s pie，一件蛋糕同tea。

Königin Pastete (Blätterteigpastete gefülit mit Ragout fin)(€7.2)﹕鹹點，熱呼呼的上枱，令到食咗咁耐西北風嘅我同拾爺頓時感到溫暖。餡料係雞肉，配上白汁，味道唔錯！

Fruchtcreme-Schnitten (€2.8)﹕Icy cake對我嚟講都係偏甜。

Kännchen Tee (Früchtetee) (€3.8)﹕味道很淡嘅果茶。

食完嘢，喺餐廳外影多兩張相。

睇到咁多嘢食，個人開心哂！

指定動作﹕唔錯！

餐廳評分﹕
食物：中上
服務：一般
環境：中上
衛生：一般
價錢：一般
性價比﹕一般
總評價﹕可以一試！

Baumeisterhaus

位於Rothenburg 嘅餐廳，賣點係餐廳本身屬文藝復興時期嘅建築，好有歷史！

Baumeisterhaus﹕Renaissance styled residence built in 1596我要咗個set，拾爺就要咗個main dish。

跟set嘅湯，唔好飲……

跟set嘅main，好鹹……

跟set嘅雪糕，朱古力嗰球都正常，但另一隻唔知咩味唔好食……

schweinefilet mit pfefferranmsoße spätzle und gem salat (€15.8)﹕好鹹……

埋單€29.7，蠢咗，其實我哋都只係想食環境，又唔係好肚餓，好似其他食客咁，食個甜品咪就得囉，唔駛好似而家咁，食到咁貴，但鹹餐死……

餐廳評分﹕
食物：中下
服務：一般
環境：中上
衛生：一般
價錢：Overpriced
性價比﹕食正餐嘅話就低！
總評價﹕只吃甜品或飲嘢，不妨去feel吓個環境。

Veritas

位於Frankfurt嘅bar，主打飲品，但都有嘢食供應，只係……waitress唔識講英文，好彩有English menu。

點咗兩碟嘢食，一個甜品同一杯啤酒。

餐廳環境

Frankfurter Grüne Soße mit Salzkartoffeln oder Bratkartoffeln (€8.8)﹕好味！呢個green sauce幾特別，係地道嘢食，用嚟點啲薯仔，味道唔錯架！份量雖少，但叫做試吓地道菜。

Frankfurter Würstchen mit hausgemachtem kartoffelsalat (€5.5)﹕呢個就普通咗啲喇……

Veritas Schokoladenkuchen warm serviert mit Walnusseis und Vanillesauce (€4.9)﹕味道ok。

Schöfferhofer – Weizenbier alkoholfrei (€3.4)﹕又係得拾爺飲。

指定動作﹕唔錯

餐廳評分﹕
食物：中上
服務：一般
環境：一般
衛生：一般
價錢：一般
性價比﹕一般
總評價﹕可以一試

 

Maximilian

位於Fussen Hotel Sonne入面嘅餐廳，見wiki travel推介，於是就去試試。

6點半，餐廳開門，我哋先入去，waitress問我哋有冇訂位，我哋話冇，佢就帶我哋 去到一張近窗口位嘅四人枱坐低，原來其他窗口位都被reserved喇，跟喺我哋之後嘅couple想坐都冇得坐。坐低後，我見出面封哂路，仲有啲廣播， 就問個waitress出面發生乜事，點知佢話佢唔識用英文講我知……佢放低咗個英文menu就行開喇。呢間係一間位於四星酒店嘅餐廳，但個 waitress連簡單英文都講唔到……基本上佢只係講英文單字再夾雜我聽唔明嘅德文……

餐廳環境等緊waitress嚟幫我哋落單時，一切謎底解開，原來封路係為咗單車比賽！

睇完menu，我哋點咗兩個main dish，兩樣都算係呢到嘅特式菜。未上main dish，waitress先送上麵包。

德國嘅麵包唔似法國咁硬，外脆內軟，我哋全部清哂！

麵包都有三樣嘢點，正！有牛油、芝士同olive oil，樣樣我都鍾意，勁有衝動添麵包點多啲嚟食呢！

Allgäuer Käsespatzen (Cheese noodles – regional dish) (€8.9)﹕呢到嘅地道菜，用cheese sauce嚟煮pasta，味道唔錯，尤愛面層被煎炸至脆脆嘅onion，好食！

Variation of fish Alpsee (€18.9)﹕魚始終唔係我所愛，三種魚，全部都唔好食……

跟餐salad，呢到真係鍾意幫人落醬落salad架喎！但我同拾爺都係鍾意olive oil多啲……

埋單€27.8，個fish Alpsee真係貴得嚟唔好食……不過嚟到呢到，冇理由唔試吓嘅。

指定動作﹕So so

餐廳評分﹕
食物：一般
服務：一般
環境：中上
衛生：一般
價錢：有啲貴
性價比﹕一般
總評價﹕唔試唔可惜！

San Marco

位於Fussen town centre嘅意大利餐廳，揀呢間餐廳，係貪佢有set，我哋點完set後，先發現……呢間餐廳好多flies，其實成程trip，只有Saint Paul嗰間餐廳係冇flies，我同拾爺都接受咗歐洲餐廳，無論室內定室外都有flies，但呢間真係我哋遇過最多flies嘅一間。我哋點餐後，不停被幾隻flies所煩擾，對手好忙，不停趕佢哋走。然後，我哋開始留意幾步之隔嘅另一間餐廳係咪都有flies，但又唔覺，係我哋呢間寧舍多！我哋觀察其他食客係咪都不斷被flies滋擾，然後發現，我哋隔離嗰枱嘅couple特別吸引flies，三、四隻圍住佢哋不停飛，唔係停喺佢哋嘅嘢食到，就係佢哋張枱或佢哋身上……好恐怖！

如果唔係已經點咗菜，我哋一定即走！

記得影相時，只剩下呢隻，可能因為嗰兩個吸引flies嘅人走咗……

Home made Minestrone-soup﹕睇個樣已經好唔開胃，超超超後悔揀咗呢間餐廳……成碗湯只覺得好似飲油咁……

Small, mixed salad-plate﹕好hea嘅一個salad，好唔鍾意係佢幫我哋落埋個醬，呢間唔係意大利餐廳咩﹖點解係落沙律醬，唔係俾olive oil同陳醋我哋架﹖！

Schnitzel “Vienna”-breaded-﹕發生乜事﹖！點解個賣相可以hea成咁﹖！見到都唔想食……兩塊炸到乾塘嘅豬扒，加一堆又硬又乾嘅薯條……呢碟嘢簡直垃圾！

Spaghetti “Prima Vera”﹕呢碟嘢嘅賣相一樣咁差，味道一般，叫好過上邊嗰碟少少。

埋單€19.8，完全唔值！

指定動作﹕POOR

餐廳評分﹕
食物：劣！
服務：一般
環境：劣！
衛生：劣！
價錢：Overpriced
性價比﹕低低低！！！
總評價﹕千祈唔好試！

 

Atzinger

位於Munich嘅餐廳，主打傳統菜式。

入到餐廳先發現我哋心儀嘅位置原來有人reserve咗……好彩仲有另一個差唔多嘅啫。等咗一陣，先有waitress嚟serve。呢到好得意 架，拾爺出 去搵人要English menu，店員叫我哋搵番指定waitress問佢要，然後，嗰個waitress又好鬼忙，枱枱都係佢負責咁滯，佢又好有system咁逐枱逐枱去落 單，我同拾爺坐得後，所以要等勻全場先輪到我哋……

拾爺本來想叫一個salad加一個main，但我覺得嚟到德國要試試sausages，見到有個set有sausages又有salad，於是提議要呢個，至於個main，拾爺就問waitress意見後，揀咗個同噚日一樣嘅……

Bayer. Wurstsalat mit Essiggurkerl und Zwiebeln dazu Hausbrot (€6.9)﹕我以為係一條腸，點知係一大堆！多到我同拾爺兩個都食唔哂……呢碟嘢如果份量少啲我都會覺得好食，但多到咁，見到都唔想食……成碟嘢用鹽水 浸住，叫做中和番太肉嘅膩感。

Ofenfrischer Schweinebraten mit Kartoffelknödel und krautsalat (€9.9)﹕噚日先食完呢道菜，今日再食，自然會拎嚟比較。呢間嘅肉平較平均，唔會好似噚日咁食到好嚡嘅，但同時亦冇入口即溶嘅一塊，每塊肉嘅水準都好平均，味道ok。但係，個potato dumpling卻係我哋食過咁多餐廳整得最好嘅一間，我同拾爺食哂呀！

Löwenbräu alkoholfreies bier (€3.7)﹕又係冇酒精啤酒，對我嚟講又係苦……

指定動作﹕Above average

餐廳評分﹕
食物：中上
服務：一般
環境：一般
衛生：一般
價錢：合理
性價比﹕一般
總評價﹕可以一試