五點幾就要起身梳洗……為嘅係要趕七點火車……未夠七點就去到火車站，首次見到火車站有我哋同職員以外嘅人出現！唔少人即場先買火車飛！
噚日零人氣嘅火車站竟然出現人龍，奇景！
同拾爺行上月台，因為冇電梯，我正打算一鼓作氣咁捧篋而上時，前面一個backpacker主動offer幫我捧，其實佢自己都孭住個大背囊，但仍 然好nice咁去幫我，而厚顏嘅我……亦即時say yes，哈哈！我實在唔想再因為捧、拉、拖、推個篋而搞到自己半夜紮醒時發覺隻手用唔到力，真係好驚架！更唔想拾爺因為心疼我，而捧完自己個篋再捧我嗰個 上樓梯，佢從來都唔係走man路線，佢係書生型男孩嚟架嘛！
上到月台，有唔少人同我哋一齊等呢班「幽靈列車」！我咁叫佢，係因為拾爺睇過有關呢班火車嘅forum，知道佢唔一定開，雖然話就話每日兩班，但有時可以係唔開就唔開，所以就算我哋已成功買飛，我都唔太sure自己係咪真係上到車……
月台
等車期間，我同拾爺就食早餐，食乜嘢﹖噚晚喺超市買嘅cherry tomatoes是也！
是日早餐
終於等到火車嚟，所有人一齊上車，因為火車係不設劃位嘅，所以我哋要快快上車揀靚位！
火車到啦！
右邊係長長嘅corridor，左邊就係廂房。
我同拾爺兩個霸咗一間房。
三個幾鐘嘅車程，我同拾爺都好好彩，冇人要入嚟同我哋share個車廂，因為，我哋兩件行李太佔位，人家入到嚟都坐唔到……選擇到 Sarajevo，除咗係因為佢充滿歷史傷痕，仲因為好多人話由Mostar到Sarajevo嘅一程火車景色優美，我同拾爺一向唔buy留腳毛式嘅旅 遊，匆匆喺到留一晚，完全唔係我哋嘅style，奈何行程上實在再squeeze唔到多一日留喺到，而我倆又好想欣賞呢段火車路嘅風景，於是就破例去 rush一次。只係……景色雖美，卻冇網絡上講到咁正……可能呢啲風景我倆早已喺德國見過，我更喺瑞士見唔少，所以完全無震撼之感……
沿途風景
火車到達Sarajevo後，我倆第一時間就係去搵main bus station買聽朝去Split嘅車飛。兜兜轉轉，又問火車站staff，又問途人先搵到main bus station，一去到，就見到好多人排隊買飛……拾爺先排買飛counter，我就走去排information counter，問到有巴士去Split同埋車站收Euro後，就安心返回拾爺身邊，點知……到我哋買bus tickets時，對方卻表示唔收Euro……好彩對方係喺出咗車飛後，先知我哋冇BAM，於是，佢教指出找換店位置俾我哋，再叫我哋換到錢，唔駛再排 隊，直表搵佢俾錢攞飛就得。
Sarajevo train station
Sarajevo main bus station
找換店置身郵局之中！
匆忙換錢，都冇為意原來被收取commission fee……早知慢慢計大概要用幾多錢啦，我只換咗€50，收回96.79 KM，當中已被扣除1BAM commission fee。
換完錢，就番去main bus station贖番我哋張車飛 (每人54.5KM)。之後，就去搵今晚要住嘅hostel！行出main bus station，過條大馬路後，我哋唔想花時間亂搵，於是就問路人，遇到一對好心嘅男女，男嘅翻譯俾個女聽我哋要去嘅地方，再由女嘅帶路，本來個女仔可以 行short cut，但佢見我哋有行李，唔方便行樓梯，於是陪我哋行遠少少嘅斜路，上斜後，佢再指指hostel位置，就走喇。我同拾爺繼續上斜……之前睇地圖都唔知 要上山嘅……只係一心想搵間又平又近main bus station嘅hotel住……但實在冇乜選擇，偶爾見到今晚要住嘅hostel，又平又近main bus station，於是即刻reserve，完全唔知道佢嘅近其實係要往山上走……
幾經辛苦，終於去到hostel，但未有得check in……我哋先store luggage，抖一陣，洗個臉，再出發，向舊城區邁進！臨行前，問問hostel收唔收Euro，對方話prefer我哋俾BAM，但如果真係冇嘅，Euro都ok。
經過戰火洗禮後嘅Sarajevo，市內有唔少新建又具特式嘅建築。
但受戰事所破壞嘅building仍處處林立。
往舊城區嘅路上我哋入咗UniCredit Bank換錢，冇為意佢嘅commission收成2 KM，真係狼死！我換€50，只收得95.79 KM……
終於行到舊城區，我倆漫無目的咁四處閒逛，然後，發現有tourist information centre，於是走入去睇吓有咩資料拎，發現有唔少local tour可以join，即時join咗Tunnel Tour (每人28 KM 或 €14)，本來呢個tour係每日下午2點出發，但唔知點解今日係3點，但都好，反正我倆都未食lunch，遲少少出發，我哋可以食完嘢先去玩。拾爺問 staff有咩介紹，對方介紹我哋到對面嘅餐廳，話自己都好常幫襯。另外，我哋join tour時，又再重遇今朝我捧篋嘅backpacker同佢兩個同伴，大家再碰面，當然會交談數句，原來佢哋打算到郊區玩，我同拾爺都好羨慕呢！
舊城區
Tourist information centre
同拾爺過對面餐廳食過late lunch (詳見Dzenita) 之後，就行番去tourist information centre集合，人齊後，大伙就跟住個staff行去搭van。去到上車點，staff先將我哋分成兩批，我同拾爺係第一批，先出車！Staff見我同 拾爺兩個人企喺佢身邊，就隨意叫我哋坐司機旁嘅兩人座，坐喺車頭嘅好處係無遮無擋咁影相，又可以聽得清楚司機兼導遊解說！只係……個司機口音好重，我好多 時都聽唔明佢講乜……
等車中……
聽司機Bosina自己本身係冇national army嘅，佢哋係靠JNA保護，但後來JNA紛紛投向Serbia，攻打Bosina，引發Bosnian War。司機話一開始JNA就先攻陷電視台，操控當時嘅TV channel，佢哋喺唔同地方投放炸彈，但卻喺大氣電波表示一切只是進行軍事演習，純真嘅Bosnian因為brotherhood，毫不懷疑，直至 JNA於市集投放第一枚炸彈，殺死一眾到市集買菜嘅Bosnia人民，Bosnian先意識到JNA是要侵佔其國。司機仲話當年JNA仲喺 playground放炸彈，殺死千幾個小朋友……後來Bosnian知道自己國家要被侵佔，大家都紛紛匿藏，JNA於是專挑老弱婦孺埋手，將槍口對正他 們，槍傷他們後，等待其他人出來救援之時，再大開殺戒，好鬼殘忍……
當年被炸嘅市集
半個鐘頭嘅車程過後，我哋就到達呢個對Bosnian history有著重要影響嘅一地方 — The Tunnel。到Sarajevo旅行，一定要去The Tunnel，要了解Bosnian history都一定要去The Tunnel。The Tunnel位處Sarajevo機場旁，當年JNA攻打Sarajevo時，為咗截斷呢到嘅糧水，不惜控制當地機場，住喺市中心一帶嘅人民面對物資短 缺，實在苦不堪言。後來Sarajevo嘅人唔想坐以待斃，就以機場附近嘅民居作掩飾，喺附近開鑿呢條通往北部嘅隊道 (Sarajevo嘅南北兩邊剛好被機場分隔，所以隧道其實係穿越機場架！)，由北部運送物資到南部。呢條隧道只准 Bosnian Army (本來係冇army嘅Bosnia，為咗保衛家園，成立咗自家嘅army。)使用，佢哋每人每日要孭起重達30磅嘅物資來回10次，隧道只有1.6米高， 所以呢班軍人係要彎住身咁嚟行……司機嘅爸爸係當時負責運送物資嘅軍人之一，佢身高同司機一樣，達六呎幾！可以想像當年每日咁彎住身軀嚟行係幾咁辛苦…… 但係佢哋Bosnian都愛自己國家，誓死保衛國土，再苦都唔肯撤離。司機話唔知係咪因為每日長時間咁彎身，佢爸爸年老時，身軀真係伸唔番正……
我哋架旅遊車
The Tunnel Museum
Museum入口
入場券
入場前，先買飛 (每人 10 KM)。入到museum後，司機先帶我哋坐低睇片，影片只有畫面冇聲，但一幕幕城市被摧毀嘅畫面，足以震撼我心，戰爭真係好殘酷……司機冇多作解說，不 過就算有，其實我都唔太聽得明……坐坐吓，另一架旅遊車嘅旅遊亦到達，佢哋個司機啲英文好聽得多！我同拾爺都enjoy聽佢嘅解說。睇完片，司機再帶我哋 去睇呢個museum嘅陳列品。
炸藥
全團只有我同拾爺嘗試去拎呢個當年Bosnian army要孭嘅背囊，重到我完全拎唔起……
中彈之地
Museum開放咗一小段tunnel俾遊客入去試行，我哋當然唔會錯過呢個機會啦！行一小段，我全程都要彎身而過，感覺一啲都唔好受……
睇片中
The Tunnel
行完隧道，再到另一陳列室，嗰到展示當時Bosnian嘅食物同工具，司機話當時佢哋食嘅嘢係連貓都不屑去食嘅。
The Tunnel Museum入面嘅陳列室
離開The Tunnel，司機帶我哋去到一個墓園，其實我唔太聽得明呢個地方有咩睇……估計呢到都係埋葬咗由戰爭而死去嘅Bosnian。
墓園
上車後，我哋就番去市集，司機以為我哋呢團人有人join “Times of Misfortune”嘅tour，仲叫佢哋唔好落車住，因為仲有景點要去，但我哋全車都只join “Tunnel Tour”，所以，佢可以提早收工。
落車後，我同拾爺就去尋找引發第一次世界大戰嘅「暗殺橋」！雖然橋係搵到，但當年Franz Ferdinand被暗殺嘅正確位置卻搵唔到……拾爺話地上應該會有記號，但我倆喺附近一帶來回行咗幾次，都搵唔到……
暗殺橋
行完暗殺點，我倆就四圍行吓同影吓相。
不經不覺行到呢到，感覺有啲似貧民區，呢到嘅buildings都似係已廢置，但入面又有人住，只係連大門都冇……我同拾爺懷疑住呢到嘅人其實係自 行搬入去，我倆舉機影相時，住喺入面嘅女人發現後就行出門口以body language停止我哋，我倆無意要將佢哋影入鏡，所以就點個頭表示唔好意思，然後就走人喇。
我倆本來有打算喺舊城區搵間餐廳食dinner，但拾爺之前喺網上搵到嘅餐廳，唔係冇飯供應，就係地點難搵……喺舊城區我哋又搵唔到啱心水嘅餐 廳……其實本來有一間嘅，但我哋見餐廳太多flies，實在唔想入去食……最後，我倆去超市買咗麵包、yoghurt同飲品，就番hostel。
離開舊城區前多影一張相
番到hostel，拎埋行李，有房入住喇，只係……房間真係一分錢一分貨……我倆而家真係再也住唔落啲咁嘅地方 (詳見Youth Hostel Ferijalac)……
是日晚餐﹕一直想試Mojito， 終於買咗嚟飲，點知係一個伏……啲包味道一般，yoghurt都唔特別好食，呢餐用咗13.14 KM。
80後窮遊世界 