位於Kuala Lumpur嘅5星酒店!但位置頗難搵……雖然距離Suria KLCC Mall好近,但酒店入口真係唔太得,唔喺大街之餘,仲要行入有車出入嘅地方先到達大堂……而reception嘛,又喺二樓……
酒店lobby
入到房,嘩!好大好舒服呀!
先嚟介紹呢個我哋應該冇咩機會用到嘅地方 — 開放式廚房﹕有爐頭、廚具、杯碟,真係乜都有,直情可以去supermarket買餸番嚟煮呀!
餐具、煮食用具好齊全!
所有枱上嘢飲都係免費嘅,但我哋對汽水冇興趣!
拾爺話呢隻牌子嘅廚具好出名架!
廳
又係設備好好嘅音響組合,可以睇碟又可以插ipod!
大床
大床隔離,浴室門外嘅兩個櫃,一個掛衫,一個放熨衫用具!
浴室都好大!
又有小花灑!
早餐方面,呢間酒店真係唔得掂,作為5星酒店,早餐選擇卻非常之少!就算只收港幣數十一位,我都覺得好唔抵!
餐廳環境﹕餐廳裝修係唔錯嘅,但食物選擇同質素就……
第一日我哋食咗﹕
Ham只有兩種選擇,而且唔好食……沙律菜又唔新鮮……
茄汁豆都霉過人架!
炒蛋冇味……唔記得落鹽乎﹖
水果叫做好少少啦!
第二日我哋食咗﹕
噚日嘅雞肉腸換成今日嘅豬肉腸。
今日有pineapple juice同埋麵!
酒店預先裝好一碗碗麵,再用保鮮封好,客人要食,就自行解封後,再滔湯。啲湯好辣!
又貪得意地去咗egg corner order咗隻太陽蛋,但係好油……
第三日我哋食咗﹕
酒店評價﹕
酒店環境﹕寧靜
酒店裝修﹕簡約舒適
房間類型﹕City view
房間設備﹕電視、DVD player、Hifi、熱水壺、冷氣、wifi等等。
浴室總評﹕空間足夠!
食水供應﹕有
酒店早餐﹕Buffet,但冇嘢好食……
接送服務﹕冇
酒店價錢﹕US$353.31 (3晚價錢)
性價比﹕一般
總評價﹕可以住,但唔好揀包早餐嘅room type!