旅程嚟到最後一日，好快要回到現實，每日不停工作……
朝早起身，執好行李後，我倆就落樓食早餐。以為呢間酒店嘅早餐會好頹，點知，俾想像中多嘢食！而且，酒店用餐區對正河景，呢個早餐，可以話係有齊視覺同味蕾嘅享受！只係……呢餐有不愉快事件sss，令我對呢間酒店嘅好印象大減！
我同拾爺入去食早餐時，被要求將背囊放到sofa位置，唔可以跟身，我初時以為佢怕我哋撞到啲傢俬，因為我哋坐嘅位置一定唔會妨礙到他人出入，後來卻見佢容許其他人嘅手袋 (size都唔細) 跟身，我懷疑佢驚我哋帶出食物！因為餐枱上係有寫明唔可以帶出嘢食嘅。
我哋嘅背囊就要放sofa，人哋個袋就可以放喺張凳……
豐富早餐！
酒店有鮮榨橙汁供應，不過就要住客自己榨！
我見另一對couple棄用枱上嘅小杯，自己去拎隻大啲嘅去榨橙汁，就跟人咁做啦，其實大杯剛好裝到一個橙嘅橙汁 份量，good fit呀！點知……當我再榨橙汁時，個大嬸走嚟話我，佢講嘅意大利話，我一句都聽唔明，但從佢個眼神、表情、聲調、語氣、肢體語言等等，我知佢鬧緊我！佢 仲拎咗隻細杯出嚟，意思係要我用細嘅，唔可以用大嘅！我好無奈，我鬼知幾時用細幾時用大咩，我見其他人咁用，我咪跟囉，又唔見佢鬧其他人，就係鬧我……佢 咁講，我咪用番隻細杯囉，最多出多嚟一次去榨，只係……我同拾爺都唔明，佢唔俾人用大杯，咁放啲杯出嚟做咩﹖
被人話完，心情當然唔好，出去 拎嘢食，當我拎緊嘢食時，個大嬸走嚟拍我膊頭，再講一次叫我用細杯，我真係好嬲！第一，我已經轉細杯！第二，我當時係拎緊嘢食，唔係榨緊橙汁，佢咁做即係 assume我會再拎大杯去榨橙汁！我覺得佢做嘅一切，都係衝著我呢張亞洲臉孔而來，因為，全個用餐區嘅食客當中，佢只係不停針對住我！
左邊隻杯係我跟人拎嘅，右邊嗰隻係大嬸要求我用嘅。
我同拾爺嘅房間喺樓上，唔想特意上一層去洗手間，於是就去呢層reception desk旁嘅洗手間，點知大嬸又話我哋，仲指住個牌重複「Private」呢個term，但我哋噚日check in時，負責人明明話我哋可以用呢個洗手間架！
我唔同個大嬸嘈，唔係怕咗佢，係佢根本唔識講英文，同佢理論都冇用，打算一陣check out時向負責人反映，我真心覺得佢歧視我哋亞洲人！
同拾爺收拾心情出街去！
早上冇咩人搭gondola，有船家願意減價€20俾我哋坐，但減完都仲係好貴，啲錢我寧願拎嚟食咗佢。
中國遊客就豪爽咁坐喇。
同拾爺亂咁行，行咗入一間舉辦緊musical instrument exhibition嘅building入面。
喺exhibition到行咗一圈，再出去走走，到咗一個square。
拾爺話要喺到嘆杯咖啡，佢話嚟到歐洲一定要喺square到hea吓……但我哋15分鐘後就要番酒店拎行李走人，我唔想15分鐘都用咁多錢，所以就冇跟拾爺入餐廳，自己周圍行吓，但……拾爺唔俾我離開佢視線範圍，所以我嘅周圍行都只限於square之內……
呢杯為咗hea15分鐘而叫嘅咖啡，盛惠€3。
拾爺飲完咖啡後，我倆就番酒店拎行李，再搭water bus (兩人共€14) 出番Piazzale，再轉機場巴士 (兩人共€12)。
Water bus driver
我應該唔會要嚟Venice架喇，望多兩眼先！
上岸！
到機場後，拾爺陪到我去lounge門口，我自己一個入去食嘢，但冇拾爺喺身邊，食咩都冇胃口……於是，我只係喺到stay咗15分鐘都冇，就出番去陪拾爺喺出邊坐。
Venice Marco Polo International Airport個lounge
後記﹕
由Dubai番香港程飛機好慘！隔離坐咗個強國女人，佢抱住個B，本來個B都好乖，冇咩點喊，但我依然全程冇覺好瞓，因為呢個女人不停周身郁，將個 仔fing嚟fing去，好多時佢一郁，就批到我，我剛淺睡就俾佢整醒……每次我都好不滿，同拾爺呻，佢知道我不滿佢，有次就鬧番我轉頭，佢話﹕「妳怎麼 了妳，小孩子就是這樣嘛！」云云，其實，我從來都冇怪過佢個仔，因為佢個仔好乖，我不滿嘅係佢！但我唔想同佢多講，我唔識講國語，佢又唔識聽英文……更唔 好講廣東話喇。
咪以為呢個女人好似好protect自己個仔咁，佢根本就唔識照顧baby，當架飛機就嚟take off時，佢竟然拆咗空姐幫佢baby fasten嘅seat belt，然後，當飛機vibrate緊時，佢仲將baby放喺地下，自己又坐埋喺地下……我真係搭咁耐飛機，都未見過有人好似佢咁……
仲有，佢連他人嘅空間都佔用埋！沒圖沒真相，去相！
佢自己個袋放嘅係尿片，唔係乾淨嘅，係佢呢頭喺我隔離幫個仔換完，嗰頭就放喺個袋到……我真心驚訝佢喺自己個位換片，佢個係仔嚟架！我幾驚佢個仔請我飲茶，我未生過都知同仔換片要用塊新嘅cover住先，但佢就幫個仔大解放！
奶樽同對鞋都放咗喺隔離個女人啲位到……
我隻手唔可以放喺扶手到，因為佢隻腳霸咗！其實我好多時都冇得用扶手，但未試過係因為隔離位隻腳！佢咁樣，我冇咗好多空間！
呢個女人去到後期，自己瞓到成個人挨過嚟，我真係頂佢唔順，叫空少嚟搞掂佢！我同空少講，我完住休息唔到，但佢話全機坐滿，換唔到位俾我……唉……呢程機係我人生坐過最辛苦架！原來搭飛機唔係剩係坐肥人隔離慘，坐喺啲好似呢個咁「經典」嘅女人隔離一樣咁慘！
兩程飛機餐如下﹕
Appetiser: Penne with chicken mustard
Main Course: Chicken piccata (left), Lamb ragoùr (right)
Dessert: Wild berry cumble and custard
Light bite: Roasted turkey & Chocolate coin cookies
Breakfast: Plain omelette
80後窮遊世界 