潮拜購物狂﹕抓毛外套

一早睇中Adidas一件抓毛外套，奈何價錢太貴，索價$699，實在買唔落手……等等等，終於等到呢排各大舖頭嘅新春大減價，連Adidas Original呢啲專門店都將舊款產品割價，我當然要捉拾爺陪我去買啦！前日喺旺角同太子嘅分店都搵唔到……噚日就出尖咀，想話有幸搵到嘅話，就可以enjoy埋Standard Chartered逢星期六喺Harbour City買嘢嘅優惠，但冇貨……就連Jack Wills都冇哂減價貨，拾爺想買條褲都無望……游走尖咀半日，只落得撲個空收場……深深不忿，雖然，嗰件外套我唔知有冇減價，之前其實都唔係見有好多分店有售，但越接近去旅行嘅日子，越感覺自己其實好怕凍，我就覺我必須要買佢，著多件抓毛外套喺羽絨入面，點都暖啲嘛！

今日，難得拾爺唔駛改嘢，我當然捉佢出去陪我睇外套啦！旺角、太子、尖咀買唔到，我出銅鑼灣，隱約記得喺Hysan間分店見過，皇天不負有心人，真係俾我搵到，仲要減到$419！可惜，得番XS……好彩，我又啱著喎，staff話Original嘅衫係比較大啲嘅，唔怪得我次次買佢啲衫時，都要買細一個碼啦！

買到心頭好，開心！

---