位於釜山西面嘅餐廳,係我喺網上見有人提過而去嘅。去到餐廳,但見入面一個人都冇,其實都覺得有少少唔妥,但一場嚟到,就照入去坐。
餐廳環境﹕韓式坐法,第一次試,幾新鮮,但坐唔夠一陣,奶奶已經嗌辛苦……
餐廳以蔘雞湯作主打,有3隻選擇,然後就只剩下兩樣我哋都睇唔明嘅嘢揀……阿珠媽不停sell我哋點蔘雞湯,想我哋一人一碗,我堅持只要一碗,再加一樣最平嘅不明菜式。阿珠媽即刻臉黑行開,但總算俾我哋3個人點兩樣嘢嚟食。
餐廳選擇真係好少……
點完菜後,阿珠媽放低水樽同水杯。雖然室內好暖,但寒天飲雪水,我真係唔慣……
泡菜﹕有我鍾意食嘅芽菜呀!
홍삼삼계탕 (₩18000)﹕紅蔘蔘雞湯,蔘味淡到喊,隻雞又溶溶爛爛咁,啲飯又唔特別好食,真係把鬼!奶奶食咗一陣,就黑哂臉,嫌唔好食……搞到帶佢嚟嘅我覺得好對佢唔住……
돌솥비빔밤 (₩8000)﹕上枱先知係石鍋飯,雖然冇肉,但幾好味!啲配料令到個飯好香,呢個飯我哋3個都覺得唔錯!餐廳應該改以佢做招徠啦!
埋單₩26000。
指定動作﹕一般啦!
餐廳評分﹕
食物:一般
服務:中下
環境:一般
衛生:一般
價錢:中下
性價比﹕中下
總評價﹕可以不試!或只食돌솥비빔밤。
我去首爾果間好多人,但都唔係好食,淡茂茂無雞味!
LikeLike
我首爾係幫襯另一間,叫「土俗村人蔘雞」。
LikeLike
YES, 我就係想講呢間, 坐得辛苦又唔覺好食!
LikeLike