位於釜山西面嘅餐廳,雖然主打嘅shabu shabu屬日本菜式,但餐廳卻融入韓國及越南風味,使佢成為fushion菜。
餐廳外觀
餐廳環境
Waiter安排我哋入座後,我哋就睇menu,本來想叫一份韓牛嘅shabu shabu,再點個麵之類嘅嘢,但waiter話每種shabu shabu都係兩份起……咁我哋就只點兩份韓牛shabu shabu餐。
點好餐後,waiter就送上嘢食!
生春卷き韓国牛しゃぶ (₩17000一份,上圖為兩份份量。)﹕餐廳俾個日文menu我,我只好打日文……
前菜﹕泡菜係呢到嘅指定前菜,好少餐廳好似呢到咁,送上沙律作前菜!
跟餐嘅有以下幾樣﹕
每人一碟三款醬。
配料﹕竟然有菠蘿!而且,呢個係神來之筆,有佢真係好味好多!陣間解釋!
韓牛﹕主角出場!
米紙﹕初初唔為意佢嘅存在,直至waiter示範呢個fushion shabu shabu點食後先知。
放好嘢食後,waiter即刻將疏菜放入鍋中。
等緊水滾時,我哋先食沙律同泡菜,待鍋內嘅水滾好後,我哋就開始食韓牛,但係……啲牛好嚡,而且冇牛味……呢到用嘅牛應該都幾差……
食食吓,waiter走嚟教我哋點食。佢先挾起塊米紙放喺鍋旁嘅一碗熱水到,再放上奶奶嘅碗中,然後挾啲配菜,再挾塊韓牛,叫奶奶捲起嚟食。我哋跟住做,發覺咁食果然係正!
連埋配料一齊食,唔會好覺韓牛嚡口,而且,配料全為蔬果,口感清新,中和韓牛嘅油膩感,我尤其喜歡加入菠蘿,貪其味酸,開開個胃嘛!仲可以沾啲辣醬一齊食,多一種口感!
跟餐仲有一碗飯。
拾爺叫我同奶奶將鍋內嘅菜湯舀到飯碗內,再加入飯嚟食。我同奶奶食咗少少之後,先知咁食法係唔啱架!
食哂所有韓牛後,有個阿珠媽走嚟,舀起部份菜湯,再將跟餐嘅飯倒入湯內,佢見我哋剩番嘅飯唔多,於是就再去舀一碗。飯煮到咁上下,阿珠媽將放入嘅南瓜大力壓碎,再將佢煮溶於飯之中。
原來碗飯係要先煮一煮,之後先食得架!
南瓜飯﹕好好味!鍾意食南瓜嘅人必愛!飯有南瓜味,又有紫菜香,食到我想添呀!
指定動作﹕Good!
餐廳評分﹕
食物:中上 (唔計剩食韓牛嘅話。)
服務:一般
環境:一般
衛生:一般
價錢:一般
性價比﹕一般
總評價﹕可以一試!
Leave a comment