噚晚太夜番酒店,嚟唔切check check天氣先決定調唔調動今日嘅行程,今朝起身一check,發覺今日會落雨……於是,我將原定於聽日嘅行程改為今日,今日主力行室內地方。第一站會去吉卜力工作室。但呢到11點先開,原本可以瞓晏啲……
今日開始,一連4朝都冇早餐食,我哋今朝就食咗噚日拾爺喺釜山火車站買嘅包做早餐。食完早餐,就落lobby,拾爺有嘢向酒店交待,等緊拾爺時,奶奶發現喺「心路GPS」做傑仔個角色嘅男演員,佢同女友都係住呢間酒店。
搭地鐵到龍山站 (₩1050),去到龍山站都只係十點幾。我哋先喺IPark呢個場行一陣先。
龍山站又為中央線尾站,所以呢到有好大個indicator去顯示火車班次。
一入商埸,就見到呢幅poster。
我哋亂行,先到一處賣衫同accessories嘅地方,奶奶想買scarf,我哋就陪佢睇。奶奶睇中咗條scarf,問佢係咪好鍾意,佢又話其實 唔算,但佢係一睇中就想俾錢買嘅人,拾爺覺得佢可以睇多幾間比較吓先,因為佢可能之後又會睇中其他。繼續睇,奶奶又睇中啲細條啲嘅scarf,但佢唔識 帶,於是我幫佢叫個sales示範一次。其實我自己都有睇中到,我同奶奶就一齊學,學完就一齊買。臨俾錢前,拾爺睇中對手襪,可惜嗰對手襪個size太 細,拾爺唔啱帶……Sales表示該對手襪為童裝,但我卻帶到。本來我係想買架,但呢個時候,奶奶又走埋嚟話自己啱,然後話要買……手襪只得一對,雖然有 另一對隻色接近,但始終唔及呢對靚,奶奶出聲話買,我就冇得買喇……埋單時,本來奶奶話要送我我睇中嘅scarf,我當然唔敢要佢老人家俾錢,3樣嘢共 ₩5000 (scarf各₩2000,手襪₩1000),我俾。
好多scarf!
喺呢間舖放低₩5000。
戰利品﹕scarf (₩2000) [後補照片]
買完scarf,見差唔多11點,就多口問句sales知唔知吉卜力工作室個立體模型展喺邊,對方好好,上網查後,舖都唔看,親自帶我哋去到 exhibition嗰座到,再叫我哋搭電梯上6樓。跟住個sales行時,奶奶話想要買頭先睇中嘅scarf,我話去完exhibition先再落嚟買 過。人家帶緊我哋行,冇理由叫人停一停,等我哋去shopping架嘛。
友善又helpful嘅sales帶路中,其時天色灰暗,雨亦越落越大。
上到6樓,見到入口排長龍……但售票處卻冇人排,唔理咁多,先去買飛,每人₩15000,冇長者優惠……
售票處
入場券,成人每張₩15000。
買完飛,回頭一望,入口冇哂人!拾爺話頭先未夠11點,場館未放人所以先要排隊,所以我擔心要等好耐先有得入場,係冇必要嘅……
入口處
一到入口,俾飛,即入場。入場前,職員同我哋講入面可以影相,除咗某個area (當時根本聽唔清楚佢講邊個……反正入到去人哋影我就影,人哋唔影我唔影就得啦!)。呢個exhibition一共展出6套電影嘅模型,包括哈爾移動城 堡、幽靈公主、百變狸貓、龍貓、飛天紅豬俠同埋千與千尋。除此之外,場館亦有展出嚟緊要上映嘅動畫手稿。當然,行到最後就係souvenir shop啦!
每入一個展區,會先見到介紹該齣電影嘅展板,韓文我就冇辦法睇得明喇,幸好仲有英文!
第一展區﹕哈爾移動城堡
第一同第二展區嘅過渡場景。
第二展區﹕幽靈公主
第三展區﹕百變狸貓
第四展區﹕龍貓
第五展區﹕飛天紅豬俠
到達第六展區前,就係動畫室嚟緊要上映嘅電影手稿,我影咗一張相後就被職員stop咗,然後記起佢哋講過有唔可以影相嘅地方,原來就係呢個。我當然立即乖乖收起相機啦。
下期作品
第六展區﹕千與千尋
睇哂6個展區,就行到去souvenir shop喇,入面啲嘢梗係靚啦,但價錢仲靚呀 (對我嚟講啫……)!當中有唔少嘢其實香港都有得賣,所以我都係以睇為主,不過……我最後都有買兩個folders,其中一個係韓國限定版,盛惠₩4000。
吉卜力工作室多年來推出過嘅作品。
精美產品,買唔起都要影低。
戰利品﹕Folders (₩4000), 右為韓國限定版 [後補照片]
離開souvenir shop,一出去,就見到唔少人喺到畫畫畫,而佢哋背後有幾幅被貼滿畫作嘅牆,即時記起頭先買完飛,除咗拎到入場卷,仲有3張stickers,於是,我哋3個又學人畫。
滿佈入場者畫作嘅牆
奶奶唔知畫咩好,求其畫咗朵花。
拾爺當然又要畫佢嘅拿手作,雀仔同蜜蜂啦!
我係最迎合呢到嘅主題嘅!
行完exhibition,奶奶即刻話要番去頭先個場買番佢頭先睇中嘅scarf。於是,我哋行番去頭先shopping嘅地方,陪佢買 scarf,奶奶原以為佢睇中嘅scarf係賣₩25000,點知原來係要₩29000!奶奶想要平啲,我多口問句有冇discount,對方 offer₩26000,奶奶指指個₩25000嘅價錢牌,人家表現為難,我不停「please」佢,佢唯有去打電話問一問,最後₩25000成交!其 時,我又睇中個hair band,索價₩8000,都幾貴,我問個sales有冇得平,因為奶奶有買到嘢,佢話已經好平,我又再「please」佢,結果成功令佢減收 ₩1000。
戰利品﹕hair band (₩7000) [後補照片]
喺個場行多一陣,發覺冇咩嘢好買後,我哋就搭地鐵去新村站食lunch,一出地鐵站,就要開遮……好彩,我哋要搵嘅餐廳都易搵,拾爺好快就帶到我哋 去餐廳喇。不過……間餐廳真係好多客……我哋要喺餐廳入面嘅waiting area等位……等到唔耐煩時,我發覺餐廳仲有好多吉枱,我哋根本就唔駛等!之後明明有人走,佢哋執緊枱,卻又無意招呼我哋……我多次表示要枱,對方都叫 我等……然後,佢哋終於帶我哋去嗰大堆吉枱嘅其中一張到坐低……效率真低!(詳見八色烤肉)
食飽飽就行去梨花女子大學,其實梨大幾靚,可惜今日天色不佳……啲雨時大時細,想影相都有難度……
行近梨大就見到呢檔嘢……
雨天下嘅梨花女子大學
呢到係旅遊熱點
圖中嘅白牆牆上有立體花,唔少人喺牆前影相。
唔落雨,呢到一定仲靚!
天雨路滑,寒風刺骨,想再留多陣都唔得……
喺梨大只係留咗一陣,因為落雨加上打大風,有啲寒風刺骨嘅感覺。本來,我想行埋入去梨大個chapel睇吓,但拾爺一聽到我想行去,就質問我﹕「仲 行呀﹖」收到,即走。一場嚟到,行多幾步去睇吓嘢都唔得,我覺得好掃興……理性嘅我當然明白咁係因為天氣凍嘅關係,但感性上我好難唔會唔開心……
離開梨大,喺附近嘅店舖行吓,但又開遮又收遮都好麻煩,加上同行二人對所有嘢都興趣不大咁,我都係揀舖嚟行,行得好唔盡興!入其中一間舖頭時,將把 遮放入佢哋個遮架,點知個遮架設計好差,有入冇出咁,我整極都拎唔番把遮出嚟……最後拾爺出手,但其時把遮已經爛咗少少……雖然個窿唔算好顯眼,但把遮我 好鍾意,又係新買,今次第一次用,一嚟就爛咗,我好唔開心,如果唔係奶奶喺到,我應該已經喊到收唔到聲。我發覺每次旅行,我哋啲遮都會遭殃,我決定以後帶 把cheap遮去玩算喇。
喺到買咗兩對羊毛襪 (₩2000) 同一條scarf (₩3900)。
戰利品﹕scarf (₩3900) [後補照片]
雖然弘大同梨大只係相隔兩個站,但因為天雨關係,加上今次與奶奶同行,所以我哋都係搭地鐵去 (₩1050)。喺地鐵站買咗對₩1000嘅耳環。
弘大
喺弘大一帶行咗一陣,突然記起呢到有間Trick Eye Museum,可以入去室內避吓雨,又有得影吓得意相,於是就行過去。
Trick Eye Museum身處嘅building仲有其他展館,其中一個叫Love Museum嘅,展示好多三級嘢。另外,仲有一個叫Ice Museum,同埋韓服體驗館。如果唔係同埋奶奶一齊,我應該會捉咗拾爺去影吓韓服相。不過,收費都幾甘……
Love Museum
之前喺韓巢印地圖時,有埋Trick Eye Museum嘅discount coupon,入場費每人減₩3000,最後每人₩12000入場。
排隊買飛
飛尾keep住,番到香港,可以半價再入呢個museum。
之前見好多人入去store luggage,仲要收錢嘅,以為一定要放,但問問售票員,原來係optional架!啲人放嘢,應該係方便入場後影相啫。
入場後,我哋就開始同一堆立體畫合照。奶奶初時都玩得好開心,但過咗一陣,佢就開始冇興趣,自己企埋一、二邊,叫佢影相,佢都唔太想郁……可能佢覺 得張張相都係差唔多嘅嘢啦。拾爺就一向對呢啲都提唔起興趣,叫佢影,佢都係平時嘅正經樣……我就一貫俾咗錢唔好蝕嘅心態,乜都影一餐!
呢個場景我哋都影咗幾耐,有我同拾爺,同埋拾爺同奶奶嘅組合,我哋大家兩邊都企過,做過大人國嘅人,又做吓小國人嘅人咁啦!
影呢張都幾辛苦,我要捐入個箱到再伸個頭出嚟,全程蹲喺地下,好攰……拾爺就玩得開心喇,難得可以攞正牌殺妻。
本來係想要我令拾爺升起嘅,但拾爺腰力唔夠,做唔到我做緊嘅動作,所以我倆交換咗位置。
Trick Eye Museum嘅入場券包埋Ice Museum嘅入場,但係我feel到奶奶行完Trick Eye Museum已經想走……一場嚟到,我哋當然入埋去啦,叫得Ice Museum,入面梗係凍啦,零度!當Ice Museum到大門一開,奶奶即時話﹕「入去睇兩眼好走喇。」其實聽到呢句說話,我真心覺得好掃興,我隻腳都踏入去已經被下令快走……
Ice Museum入面其實有條冰滑梯,亦有冰傢俬,其實我對前者都好有興趣,想試玩,但我知道自己唔可以喺到留得耐,所以行完一圈,即走。
連個名都係用冰整架!
無緣一試嘅冰滑梯……
冰琴
冰床
離開Ice Museum,去食晚飯。(詳見James Chesse & Back Ribs)
食完飯,搭番地鐵到新設洞站 (₩1050),再番酒店休息。
Leave a comment