5點半起身，6點40分出門口，7點50分到機場，同奶奶會合後就去排隊check in。第一次喺Terminal 2 check in，去到counter見到大排長龍……期時HK Express嘅工作人員不停叫飛昆明嘅旅客優先check in。等等等，airline突然又開多個counter，但只限去大阪嘅旅客check in……話要疏導人群，個人覺得佢咁疏導有欠公平，因為有唔少遲過我哋嚟排隊嘅人仲早過我哋check in。
我哋原先都有啲擔心個篋會超過20kg嘅行李限制，但最後兩個篋都冇過重，一個得11點幾kg，另一個都只係16點幾。8點半先check完 in，8點45分開始on board，airline要我哋最遲9點半上機。我哋唔熟Terminal 2呢頭，搵兩搵都冇心機自己搵，拾爺問問兩個經過嘅空姐後，我哋就出境，過關後，就即刻問information counter嘅人，再急急行去lounge到。喺lounge到快快食過兩碗魚蛋粉，少少腸粉同茄汁豆，再每人拎支水就走去搭shuttle bus到Gate 501。
未試過嚟到咁遠！
9點10分去到閘口，大部份人已經上咗機，只有少量人喺到影緊相。拾爺要去洗手間，我同奶奶就坐埋一、二邊等佢。等緊拾爺番嚟時，有空姐行埋嚟催我哋上機，我話我先生去咗洗手間，佢睇睇錶，正想俾個時限我哋時，拾爺就番嚟喇。
之前上網睇過有人話就算網上mark好位，HK Express都唔俾佢哋一行人一齊坐，令拾爺放棄俾錢mark位，好彩冇俾錢mark位咋，因為我哋係可以一齊坐，而且仲坐到第5行添！因為我行先，我 一上機就坐咗入窗口位，拾爺俾奶奶坐中間，自己坐通道位。雖然，呢個安排其實係最正確嘅，但我會暈機浪……所以，坐坐吓，拾爺知我想同佢講，就同奶奶換 位。
飛機準時9點45分行駛，10點10分take off，架機開始時有啲震，而且好嘈……但後來就開始定同靜，仲早15分鐘到達釜山機場。
到達釜山後，我哋就入境，但拾爺頭先喺飛機上寫嘅入境紙冇填到酒店名……我哋要匆匆填寫……不過，奶奶排另一條line (本來我哋係一齊排隊嘅，但前面個女人搞咗好耐都未得，奶奶就走去排另一條line，原來前面個女人發燒！)，個關員冇要求奶奶寫番喎。
過關後，就去拎行李，奶奶離遠望到自己件行李就衝去拎，我同拾爺stop都stop佢唔住。我趁拾爺等拎行李嘅時間就去洗手間，入到洗手間見有個女 人喺其中一間門口，想入又唔入咁，唔知做咩，後尾出面有把男人聲同佢講﹕「閂咗門先有燈架！」，個女人先入去……原來廁格根本冇人，佢係見黑唔入……好 彩，另一廁格空嘅，如果唔係，真係被佢阻鬼住我！我入嗰格嘅馬桶係智能馬桶嚟架！
去完洗手間出嚟，拾爺已經拎哂所有行李，好快！
行李帶
出去後，第一時間去7-11買T money，但係冇……算！去tourist information counter到問去酒店嘅方法，其實之前問過酒店，佢叫我哋打的，我問佢有冇巴士，佢話好似冇再operate，但tourist information counter個staff就教我哋搭機場巴士。
喺Gate 3出去，行到station 2就有巴士去Lotte Hotel。我哋間酒店就係喺Lotte Hotel附近！
一去到station 2就有車，司機仲落車幫我哋捧行李，車費每人₩6000。
呢到嘅機場巴士行李唔駛放下面，車廂入面都有位擺。
車程大概係40分鐘，落車後，我哋就根據酒店send俾我嘅地圖行去check in。(詳見Uniqstay Hostel and Suite)
上房放好嘢後，我哋就出發去食lunch。之前上網知道西面都出名食豬肉湯飯，仲好似有條豬肉湯飯街，不過我查唔到喺邊，亦唔知邊間出名……所以，我哋出發前先問問hostel個老闆，佢俾張map我哋，再mark好位置，而且仲推介自己鍾意幫襯嘅一間俾我哋。
因為我嚟呢到之前冇換到韓圚，主要靠我大妹俾佢之前用盡嘅韓圚我，所以我哋食完飯仲要去換錢，但老闆話如果用港幣換，就要出到南浦先有兌換店肯收……呢到換就要去銀行，好彩，豬肉湯飯街附近就有幾間銀行，老闆俾嘅地圖亦有mark哂啲銀行嘅位置。
老闆為免我哋去到餐廳同waiters溝通唔到，叫唔到豬肉湯飯食，特意寫低佢嘅韓文名俾我哋到時show出嚟，好貼心。
睇住地圖，跟住老闆嘅指示，好快搵到餐廳，食我哋嘅第一餐！(詳見一品名家)
食完飯，我哋就去搵銀行。本來我想去外換銀行嘅，因為我有coupon，但見到嘅第一間係Standard Chartered，其時已經差唔多5點，為免再搵會過咗銀行營業時間，到時乜錢都換唔到，問過Standard Chartered個rate後，見都可以接受，就先換$2000，奶奶亦換$2000。呢到個rate係HK$1兌₩140.11。換錢前要填 form，寫個人資料，再俾passport銀行影印，好煩……等緊錢時，我見counter前有利是封，白色底，有隻羊，仲有韓文，好得意，於是厚顏問 人家要，人家好nice，叫我拎哂兩pack。
換錢都有戰利品，yeah ~~
有錢喺身，就梗係去shopping啦！呢到有條地下街，有好多嘢賣，衫、褲、鞋、襪，不過，價錢卻唔及首爾嘅平，未有一對係賣₩1000，我當然唔會買啦！其他嘢都冇咩特別……
行行吓，去咗個幾「娘」嘅場……
呢到吸引最多嘅係亞婆亞伯……
不過，喺呢個「娘」場到，我都買到一件衫仔(₩10000)俾小王子，幾得意呀，拾爺一見就愛上。
給小王子的手信 (後補照片)
行到咁上下，番民宿抖抖，再出發去食dinner，向民宿個staff問好餐廳位置，就出發！餐廳極近民宿，行過去5分鐘到。(詳見五福蔘雞湯)
食完飯，又去西面地下街行吓，頭先只行咗一邊，而家行埋另一邊。買咗條裙(₩25000)，番酒店前再去超市買梨(₩2500)。
是晚水果係梨，出發前聽學生講到啲梨好好食，但我哋呢個一啲都唔甜……只係大同都叫多水份……
80後窮遊世界 
Leave a comment