機張市場

要喺海雲臺站再轉巴士或火車先到嘅機張市場，遊客較少，多為韓國本地客，所以海鮮價錢相比札嗄其市場更為親民。機張市場以蟹為主，食客揀好蟹後直接進入餐廳內等食就得，而蟹嘅煮法亦只有獨沽一味嘅蒸。

我哋喺其中一檔揀好蟹，講埋價後，就走入檔口，落一層，進入餐廳。

餐廳門口

進入餐廳先要除鞋，再入座。

第二餐要以韓式坐法嚟進食。

一坐低，阿珠媽已經放低張單，上面標示咗我哋講好嘅價錢。

然後，阿珠媽為我哋放滿一枱嘅前菜。

拾爺尤愛左下嘅蕃薯，甜甜哋幾唔錯！而我，則鍾愛綠色嗰碟海帶，我鍾意食中華沙律嘛。

右邊紅色兩碟對我嚟講都太辣，左面有啲似薄礃嘅，我同拾爺都愛吃。

差唔多食完前菜時，阿珠媽走嚟同我哋講隻蟹就嚟ok。其實佢係講韓語嘅，但因為佢配合埋body language，所以我哋大概都明佢講乜。然後，隔咗一陣，佢叫我帶埋相機跟佢去影蟹。

我哋隻蟹s呀！阿珠媽應該都知我哋啲遊客乜都影一餐，所以斬蟹前，先俾我影張相。

影完相，阿珠媽就斬蟹喇。

三、兩吓功夫，阿珠媽已經搞掂兩隻蟹！

我係一個好懶嘅人，鍾意食蟹，但唔鍾意自己拆蟹肉……更加唔識點樣喺啲殼到「撩」啲蟹肉出嚟食……但今餐真係食得好爽！因為阿珠媽幫我哋剪開哂啲殼，我哋一拎上手，用手一拉，就起到殼，然後就可以大啖大啖咁品嚐！

Snow crab都幾鹹，King crab相對鹹好多，但兩隻蟹嘅肉質都唔算鮮甜，大啖肉當然好爽，只係3個人KO超過3Kg嘅蟹時，我哋都食到幾悶……

埋單₩155000，奶奶請。

指定動作﹕中上

餐廳評分﹕
食物：中上
服務：一般
環境：一般
衛生：一般
價錢：一般
性價比﹕一般
總評價﹕可以一試！

---